JK SET Urdu Paper II 2018
کشمیر سیٹ کا امتحان جلد ہی ہونے والا ہے اور کسی بھی امتحان میں اس کے گزشتہ پرچے اہم رول ادا کرتے ہیں اس سے امتحان کا معیار سمجھنے میں مدد ملتی ہے لہذا آپ کی خدمت میں حاضر ہے، کشمیر سیٹ 2018 کا پرچہ دوم اردو۔
یہ پرچہ پہلے یوٹیوب پر حل کرایا جاتا ہے اس کی ویڈیو دیکھنے کے کلک کریں۔
کشمیر سیٹ 2018
پرچہ دوم
سوال نمبر: 01
| یہ سیہ زلف تج زنخداں پر |
| ناگنی جیوں کنوے پہ پیاسی ہے |
کس کا شعر ہے؟
| ولیؔ | میرؔ |
| وجہیؔ | سراجؔ |
جواب: ولیؔ
سوال نمبر:02درد کے والد خواجہ محمد ناصر کا تخلص کیا تھا؟
| آزادؔ | ادیبؔ |
| آبروؔ | عندلیبؔ |
جواب: عندلیبؔ
سوال نمبر: 03سحرالبیان کس سن کی تصنیف ہے؟
| 1900 | 1802 |
| 1730 | 1784 |
جواب: 1784
سوال نمبر: 04میر تقی میرؔ کی پیدائش کہاں ہوئی؟
| دلی | آگرہ |
| حیدرآباد | لکھنؤ |
جواب: آگرہ 1722 -23آگرہ، اکبرآباد
سوال نمبر: 05 غالبؔ کو کیا خطاب عطا ہوا؟
| نجم الدولہ و دبیر الملک | ملک الشعراء |
| شمس العلما | آفتاب الدولہ |
جواب: نجم الدولہ و دبیر الملک
قلعہ سے تعلق:1266ھ بمطابق1850میں ابو ظفر سراج الدین بہادر شاہ نے مرزا کو خطاب نجم الدولہ ، دبیر الملک، نظام جنگ اور چھ پارچے کا خلعت، مع تین رقومِ جواہرکےدربارِ عام میں مرحمت فرمایا اور خاندان تیمور کی تاریخ نویسی کی خدمت پر بمشاہرہ پچاس روپے ماہورا کیا۔
سوال نمبر: 06 کس شاعر کی موت کوٹھے سے گر کر ہوئی؟
| حسرتؔ | ولیؔ |
| فراقؔ | مومنؔ |
جواب: مومنؔ
سوال نمبر: 07 مرزا دبیرؔ کس کے شاگرد تھے؟
| انیسؔ | ضمیرؔ |
| فراقؔ | میرتقی میرؔ |
جواب: ضمیر
استاد: علوم متداولہ حاصل کرکے صرف و نحو اور منطق و ادب کے ساتھ حکمت بھی مولوی غلام ضامن سے پڑھے۔ کتب دینیہ، حدیث، فقہ و تفسیر و اصول تفسیرکا علم مرزا محمد رضا برق کے والد مرزا کاظم علی سے حاصل کیا۔ نو عمری میں غزل سے شاعری کا آغاز کیا۔ گیارہ سال کی عمر ہی میں وہ میر مظفر حسین ضمیر کے شاگرد ہوگئے تھے۔میر ضمیر کو دبیر پر فخر تھا جس کا اظہار ایک رباعی میں کیا ہے:۔
پہلے تو یہ شہرہ تھا ضمیر آیا ہے
اب کہتے ہیں استاد دبیر آیا ہے
کردی مری پیری نے مگر قدر سوا
اب قول یہی ہے سب کا پیر آیا ہے
سوال نمبر: 08 “رامائن کا ایک سین” کس کی نظم ہے؟
| چکبستؔ | دیاشنکر نسیمؔ |
| جوشؔ | اقبالؔ |
جواب: چکبستؔ
سوال نمبر: 09 سرسید کا سن پیدائش کیا ہے؟
| 1790 | 1810 |
| 1817 | 1830 |
جواب: 1817
سوال نمبر: 10
| یہ آرزو تھی، تجھے گل کے روبرو کرتے |
| ہم اور بلبل، بے تاب گفتگو کرتے |
کس کا شعر ہے؟
| مومنؔ | غالبؔ |
| آتشؔ | فانیؔ |
جواب: آتشؔ
سوال نمبر 11 مثنوی “من لگن” کس کی تخلیق ہے؟
| بحریؔ | وجہیؔ |
| مقیمیؔ | غواصیؔ |
جواب: بحریؔ
سوال نمبر: 12 “ابن الوقت” کس کا ناول ہے؟
| عزیز احمد | قاضی عبدالستار |
| نذیر احمد | سرسید |
جواب: نذیر احمد
سوال نمبر: 13 “دہر جز جلوہ یکتائی معشوق نہیں” کس کا قصیدہ ہے؟
| سوداؔ | غالبؔ |
| ذوقؔ | محسنؔ |
جواب: غالبؔ
سوال نمبر: 14 ابن نشاطیؔ کی مثنوی کا نام ہے؟
| علی نامہ | قطب مشتری |
| گلزار ِ نسیم | پھول بن |
جواب: پھول بن
پھول بن
مجلس اشاعت دکھنی مخطوطات نے پہلی دفعہ 1937ء میں پھولبن شائع کی۔ اس کی ترتیب و تدوین پروفیسر سروری مرحوم نے کی تھی۔
نصیرالدین ہاشمی، زور، اور جمیل جالبی کے مطابق: انہوں نے ایک فارسی قصے “بساتین الانس” (مصنفہ احمد حسن دبیر عید روسی) کو سامنے رکھ کر “پھولبن” کے نام سے 1066ھ بمطابق 1655ء میں دکھنی میں نظم کیا۔
عبدالقادرسروری کے مطابق 1076ھ ہے۔
بابائے اردو مولوی عبدالحق کی فرمائش پر شیخ چاند ابن حسین نے بھی انڈیا آفس کے نسخہ کو بنیاد بنا کر انجمن ترقی اردو کراچی کے کتب خانے کے پھول بن کے نسخو ں سے مقابلہ کرکے اپنا نسخہ مدون کیا۔ یہی کتاب 1955ء میں شائع ہوئی۔ اس نسخے کی اشاعت سے ابن نشاطی کے نام شیخ المشائخ شیخ محمد مظہر بن فخرالدین کا علم ہوسکا۔ پھولبن کا ایک ناقص الآخرنسخہ شیخ چاند صاحب کو محمد اکبر خاں انسپکٹر محکمہ تعلیم پونا کی وساطت سے ملا تھا جس پر اس طرح نام تحریر تھا۔
“ایں قصہ پھول بن از گفتارِ شیخ المشایخ شیخ محمد مظہر ابن شیخ فخرالدین۔”
سوال نمبر: 15 مسدس میں کتنے مصرعے ہوتے ہیں؟
| چھ | دو |
| پانچ | تین |
جواب: چھ
سوال نمبر: 16 “تاج الملوک” کاتعلق کس مثنوی سے ہے؟
| زہر عشق | سحرالبیان |
| گلزارِ نسیم | خواب و خیال |
جواب: گلزار نسیم
سوال نمبر: 17 “نیرنگِ خیال” کا مصنف کون ہے؟
| میر امّن | محمد حسین آزاد |
| شیفتہؔ | حالی |
جواب: محمد حسین آزادؔ
سوال نمبر: 18 “تنہائی” کس کی نظم ہے؟
| فیضؔ | اخترالایمان |
| جوشؔ | اصغر گونڈوی |
جواب: فیضؔ
سوال نمبر: 19 “ذوقِ ادب اور شعور” کس کی کتاب ہے؟
| احتشام حسین | حالیؔ |
| قمر رئیس | آل احمد سرور |
جواب: احتشام حسین
سوال نمبر: 20 “خوجی” کس ناول کا کردار ہے؟
| ٹیڑھی لکیر | توبۃ النصوح |
| گئودان | فسانہ آزاد |
جواب: فسانہ آزاد
جمیل جالبی۔ تاریخ ادب اردو جلد چہارم: ص: 1346-47
سوال نمبر: 21 “یادگارِ غالبؔ ” کس کی کتاب ہے؟
| حنیف نقوی | عبدالرحمٰن بجنوری |
| حالیؔ | ابوالکلام آزاد |
جواب: حالیؔ
سوال نمبر: 22 “مہالکشمی کا پل”کا خالق کون ہے؟
| بیدی | منٹو |
| کرشن چندر | عصمت |
جواب: کرشن چندر
سوال نمبر: 23 “چاندنی بیگم” کس کا ناول ہے؟
| قرۃ العین حیدر | جیلانی بانو |
| خدیجہ مستور | عصمت |
جواب: قرۃ العین حیدر
سوال نمبر: 24 کلیم الدین احمد کی کتاب ہے۔
| زاویہ نگاہ | مقدمہ شعر و شاعری |
| نئے ادبی رجحانات | اردو تنقید پر ایک نظر |
جواب: اردو تنقید پر ایک نظر
سوال نمبر:25 اقبالؔ کا سن ولادت کیا ہے؟
| 1857 | 1877 |
| 1880 | 1885 |
جواب: 1877
سوال نمبر: 26
پریم چند کون سا رسالہ نکالتے تھے؟
| دلگداز | مخزن |
| ہنس | الہلال |
جواب: ہنس
ایک مارچ 1930 کو رسالہ ہنس جاری کیے
مخزن کی ادارت میں شیخ محمد اکرام بطور مدیرِ معاون شامل تھے۔ 1904ء میں شیخ عبد القادر لندن گئے تو مخزن کی ادارت شیخ محمد اکرام نے سنبھال لی، ستمبر 1907ء مخزن شیخ عبد القادر کے ساتھ دہلی منتقل ہو گیا اور ادارت میں ان کا ہاتھ راشد الخیری بٹانے لگے۔ 1909ء میں مخزن واپس لاہور آ گیا، 1910ء میں اسے مولوی غلام رسول نے خرید لیامگر اس کے بعد بھی شیخ عبد القادر کا نام سر ورق پر اعزازی مدیر کے طور پر چھپتا رہا۔ 1917ء میں مولوی غلام رسول فوت ہو گئے تو اس کے معاون مدیر تاجور نجیب آبادی مقرر ہو گئے۔ مخزن کا ایک اور تابندہ دور 1927ء میں شروع ہوا۔ اس دور کے مدیر حفیظ جالندھری اور معاون مدیر ہری چند اختر تھے۔
سوال نمبر: 27
ان میں سے کس کا تعلق دلّی کالج سے تھا؟
| رجب علی بیگ | میرامّن |
| بینی نرائن | ماسٹر رام چند |
جواب: ماسٹر رام چند
مرحوم دہلی کالج۔ مولوی عبدالحق۔ ص:163
سوال نمبر: 28
آزاد بخت کس داستان کا بادشاہ ہے؟
| باغ و بہار | سب رس |
| بوستان خیال | فسانہ عجائب |
جواب: باغ و بہار
سوال نمبر: 29
کون سا ناول سرشار کا نہیں ہے؟
| فسانہ آزاد | سیرکہسار |
| کامنی | داراشکوہ |
جواب: داراشکوہ
سوال نمبر: 30
“مناجات بیوہ” کس کی نظم ہے؟
| حالیؔ | نظیرؔاکبرآبادی |
| چکبستؔ | شبلیؔ |
جواب: حالیؔ
سوال نمبر: 31
ان میں سے کون سا مجموعہ خلیل الرحمٰن اعظمی کا ہے؟
| مضراب | بال جبریل |
| تلخیاں | کاغذی پیرہن |
جواب: کاغذی پیرہن
سوال نمبر: 32
“مصور فطرت” کسے کہا جاتا ہے؟
| فرحت اللہ بیگ | پطرس |
| غالبؔ | خواجہ حسن نظامی |
جواب: خواجہ حسن نظامی
سوال نمبر: 33
“روپ” کا خالق کون ہے؟
| جگرؔ | فراقؔ |
| کنولؔ | مجازؔ |
جواب: فراقؔ
سوال نمبر: 34
“آگرہ بازار” کا مصنف کون ہے؟
| حبیب تنویر | نظیرؔاکبرآبادی |
| امانت لکھنوی | محمد حسن |
جواب: حبیب تنویر
سوال نمبر: 35
مسدس حالیؔ کا دوسرا نام کیا ہے؟
| مدوجزر اسلام | شاہنامہ اسلام |
| خاکِ ہند | تاریخ اسلام |
جواب: مدوجزر اسلام
سوال نمبر: 36
رشید احمد صدیقی نے لکھا ہے۔
| خوشیوں کا باغ | کتّے |
| لاہور کا جغرافیہ | چارپائی |
جواب: چارپائی
سوال نمبر: 37
مثنوی”علی نامہ” کا موضوع کیا ہے؟
| علی عادل شاہ ثانی کے واقعات | حضرت علی کے واقعات |
| واقعہ کربلا | تصوف |
جواب: علی عادل شاہ ثانی کے واقعات
سوال نمبر: 38
“دھنیا” کس ناول کا کردار ہے؟
| میدان عمل | گئودان |
| بیوہ | چوگان ہستی |
جواب: گئودان
سوال نمبر: 39
“مدرسہ علی گڑھ” کس کی نظم ہے؟
| شہریارؔ | مجازؔ |
| اقبالؔ | اکبرؔالہ آبادی |
جواب: اکبرؔالہ آبادی
سوال نمبر: 40
ان میں سے کون سی تصنیف نذیر احمد کی نہیں ہے؟
| رویائے صادقہ | مراۃ العروس |
| مجالس النساء | ایامیٰ |
جواب: مجالس النساء
سوال نمبر: 41
اردو کا تعلق کس لسانی خاندان سے ہے؟
| ہندآریائی | دراوڑی |
| دکنی | ہندیوروپی |
جواب: ہندآریائی
سوال نمبر: 42
تمثیلی اعتبار سے کس تصنیف کی شناخت قائم ہے؟
| باغ و بہار | سب رس |
| فسانہ آزاد | بوستانِ خیال |
جواب: سب رس
سوال نمبر: 43
| اصل، شہود و شاہد و مشہود ایک ہے |
| حیراں ہوں پھر مشاہدہ ہے کس حساب میں |
اس شعر میں کون سی صنعت ہے؟
| اشتقاق | تکرار |
| استعارہ | لف و نثر |
جواب: اشتقاق
سوال نمبر: 44
ناول کس زبان کا لفظ ہے؟
| ترکی | فارسی |
| چاپانی | اطالوی |
جواب: اطالوی
سوال نمبر: 45
“طلوعِ اسلام” کس کی نظم ہے؟
| اقبالؔ | شبلیؔ |
| احسان دانشؔ | حفیظؔ جالندھری |
جواب: اقبالؔ
سوال نمبر: 46
“انار کلی” کا خالق کون ہے؟
| امانت | امتیاز علی تاج |
| آغاحشر | محمد حسن |
جواب: امتیاز علی تاج
سوال نمبر: 47
اردو پنجاب میں پیدا ہوئی۔ کس کا نظریہ ہے؟
| محمد حسین آزاد | حافظ محمود شیرانی |
| عبدالحق | مسعود حسین خاں |
جواب: حافظ محمود شیرانی
سوال نمبر: 48
“حسن کوزہ گر” کا خالق کون ہے؟
| ساحرؔ | فیضؔ |
| میراؔجی | ن۔ م۔ راشدؔ |
جواب: ن۔ م۔ راشدؔ
سوال نمبر: 49
“یادوں کی بارات” کس کی کتاب ہے؟
| جوشؔ | جگرؔ |
| مجازؔ | حسرتؔ |
جواب: جوشؔ
سوال نمبر: 50
“غزل اردو شاعری کی آبرو ہے” کس کا قول ہے؟
| کلیم الدین احمد | رشیداحمد صدیقی |
| قمر رئیس | محمد حسن |
جواب: رشیداحمد صدیقی
ماشاءاللہ یہ مکمل پچاس سوال آپ پڑھ لیے تو
شکریہ سر اللہ تعالی کامیابی اور کامرانی سے نواز دے