UGC NET & JRF Urdu July 2018

نغمہ ساز کے نام سے فراق کا کوئی مجموعہ دستیاب نہ ہوسکا، ہاں ایک "نغمہ نما" اور دوسرا "شعلہء ساز" ہے۔ تو ممکن ہے کہ دونوں ملا کر نغمہ ساز ہوگیا ہو۔

غالب کی بت شکنی احتشام حسین کے مضامین کے مجموعہ "اعتبارِ نظر" میں شامل ایک مضمون ہے۔
ادب اور زندگی: مجنوں گورکھپوری
لفظ و معنی: شمس الرحمن فاروقی
تنقید کیا ہے: آل احمد سرور/ سید عبداللہ

انھوں نے اپنے بھائی سعید کا ذکر افسانہ "رام کھلاون" میں کی ہے جو ان کے افسانوی مجموعہ "خالی بوتلیں"، "خالی ڈبے" میں شامل ہے۔

صنعت مبالغہ:کسی شخص یا چیز کی تعریف یا مذمت اس حد تک کرنا کہ سننے والے کو یہ گمان ہو کہ اس وصف یا ذم کا کوئی اور مرتبہ باقی نہیں رہا۔

تفریق: کسی شعر میں ایک قسم کی دو چیزوں کا ذکر ہو مگر دونوں میں فرق ظاہر ہوتا ہو تو  اسے تفریق کہا جاتا ہے۔ ؎

مہتاب سے شعاع جدا، گل سے بو جدا

سینے سے دم جدا، راگ جان سے لہو جدا

تفاوت قامتِ یار اور قیامت میں ہے یہ ممنونؔ

وہی فتنہ ہے لیکن یاں ذراسانچے میں ڈھلتا ہے

تقسیم: جب شعر میں ایک چیز کے چند اجزا یا چند چیزوں کا ایک ساتھ ذکر کریں اور پھر ہر جزو کے ساتھ اس کے منسوبات بیان کریں۔ صنعت تقسیم اور لف و نثر میں یہ فرق ہے کہ لف و نثر میں تعیّن شاعر کی طرف سے نہیں ہوتا بلکہ سامع اپنے ذہن سے ہر چیزکے مناسبات کو اُس سے متعلق کرلیتا ہے اور صنعت تقسیم میں خود متکلم مناسبات بنا دیتا ہے۔

اک عمر گرفتارشب ہجر رہا تھا

اے زلف سیہ ماتم فانیؔ میں بکھر جا

عمر، گرفتار، شب ہجر کے ساتھ ان کے مناسبات یعنی زلف سیہ اور ماتم لانے کی وجہ سے تقسیم کی عمدہ صورت پیدا ہوگئی ۔

محمد حسین آزاد کی کتاب "نیرنگِ خیال" کی فہرست یہ ہے:

زمرہ "ج" میں مادرِ ہند شاد عظیم آبادی کی مثنوی ہے۔

تجنیس تام:ایسے دو لفظ جو ہر صورت میں ایک دوسرے کے مشابہ ہوں یعنی وہ انواع، اعداد، ترتیب اور حرکات و سکنات میں ایک جیسے ہوں مگر ان کے معنی ایک دوسرے سے الگ ہوں۔ اس کی بھی

تجنیس ناقص و زائد(مطَرّف):جب تجنیس کے دو لفظوں میں صرف ایک حرف کی کمی یا بیشی ہو جائے ایسالفظ کے شروع درمیان اور آخر کہیں بھی ہوسکتا ہے۔؎

یوں نہ باتیں چبا چبا کے کرو

مہرباں بات ہے نبات نہیں

ترصیع:دونوں مصرعوں کے الفاظ علی الترتیب ایک دوسرے کے ہم وزن ہونے کو ترصیع کہتے ہیں۔ ؎

وحید یگانہ ریاضت میں تھے

جنید زمانہ عبادت میں تھے

سحر البيان (داستان زلف اور چوٹی کی تعریف و صحبت اول کے بیان میں)(متقارب مثمن مقصور یا محذوف: فعولن فعولن فعولن فعول/فعل)

یہ افسانہ راجندر سنگھ بیدی کے افسانوی مجموعہ "ہاتھ ہمارے قلم ہوئے" میں شامل ہے۔

رشید صدیقی کے مضامین کے مجموعہ میں مکمل بیس مضامین شامل ہیں:
1۔ سرگزشت عہد گل، 2۔ حاجی صاحب، 3۔مولانا سہیل، 4۔ دھوبی، 5۔ وکیل صاحب، 6۔ اپنی یاد میں، 7۔چارپائی، 8۔ پاسبان، 9۔ارہر کا کھیت، 10۔گواہ، 11۔شیطان کی آنت، 12۔ماتا بدل، 14۔کاروں پیداست، 14۔ گھاگر، 15۔آمد میں آورد، 16۔مغالطہ، 17۔مرشد، 18۔مثلث، 19۔کچھ کا کچھ، 20۔ سلام ہو نجد پر

حسب نسب: قرۃ العین حیدر
چوتھی کا جوڑا: عصمت چغتائی
بدنصیب ماں: پریم چند (واردات)
پوس کی رات: پریم چند

اصغر1884-1936

طبقات الشعراءمحمد بن سلام الجمحی کی عربی کتاب ہے، یہ عربی کا پہلا نقاد ہے وہ شاعری کو صنعت گری قرار دیتا ہے، اس کے علاوہ قدرت اللہ شوق کا تذکرہ ہے

قابوس نامہ: "فارسی تنقید کی پہلی کتاب ہے، یہ ایک ایرانی بادشاہ امیر عنصر المعالی کیکاؤس بن سکندر نے اپنے بیٹے گیلان شاہ کے لیے کامیاب زندگی گزارنے کے لائحہ عمل پر لکھی۔

چہار مقالہ: ابوالحسن احمد سمرقندی ملقب بہ نظامی عروضی کی نثری تصنیف جو 1156ء میں لکھی گئی۔

حدایق  السحر فی دقایق الشعر: یہ فارسی شاعررشید الدین محمد العمری وطواط کی تصنیف ہے۔یہ شاعری میں صنائع کے استعمال کو بہت اہمیت دیتا ہے۔

جمع: شعر میں کئی چیزوں کو ایک جگہ جمع کرنا۔

مثال:

بوئےگل، نالہ دل، دود چراغِ محفل

جو تری بزم سے نِکلا سو پریشاں نکلا

(غالب)

وضاحت: اس شعر میں بوئے گل، نالہ دل اور دود چراغِ محفل کو پریشانی کے ساتھ نکلنے میں جمع کیا گیا ہے۔

تفریق: کلام میں مذکورہ ایک ہی نوع کی دو چیزوں میں فرق بیان کرنا

مثال:

سر عشاق یہاں بکتے ہیں معشوق وہاں

کوئے قاتل ہے جدا مصر کا بازار جدا

ناسخؔ

وضاحت: کوئے قاتل اور مصر کے بازار میں بکنا مشترک ہے۔ فرق یہ بیان کیا گیا ہے کہ کوئے قاتل میں سر عشاق بکتے ہیں۔ جب کہ بازارِ مصر میں معشوق۔

تفہیم البلاغت: وہاب اشرفی، ص:62-63

خواجہ احمدعباس کے افسانوی مجموعہ  (نئی دھرتی نئے انسان)میں شامل ہے۔

خواب وخیال(میر تقی میر)

کنہیالال کپور:سنگ و خشت (1942) اس میں شامل نصاب ان کے دونوں انشائیے:چینی شاعری، غالب جدید شعرا کی مجلس میں شامل ہے، چنگ و رباب: 1944، شیشہ و تیشہ: 1946، نوکِ نشتر: 1949، بال و پر: 1954، نرم گرم: 1957، گرد کارواں: 1960، نئے شگوفے: 1988، کامریڈ شیخ چلی، دلیلِ سحر۔

فن تنقید اور اردو تنقید نگاری: نورالحسن نقوی: ص: 61

بابوگوپی ناتھ (افسانوی مجموعہ: چغد)

اردو شیریں زبان تو ہے لیکن وہ اس لیے نہیں کہ اس میں کئی زبانوں کے الفاظ ہیں بلکہ اس میں بولنے میں آسان اور سننے میں بھلے معلوم ہونے والے الفاظ شامل ہیں۔

این سی ای آر ٹی؛ ابتدائی اردو درجہ چہارم ، سبق :18 نظم : یکتا

جمیل جالبی اپنی کتاب "ارسطو سے ایلیٹ تک" میں رقم طراز ہیں:

"نقاد کی حیثیت سے رچرڈس کی ممتاز خصوصیت یہ ہے کہ وہ ایک ماہر نفسیات کے سائنسی اندازِ نظر سے ادب کا مطالعہ کرتا ہے۔

پطرس کے مضامین میں شامل انشائیے: ہاسٹل میں پڑھنا، سویرے جو کل آنکھ میری کھلی، کتّے، اردو کی آخری کتاب، میں ایک میاں ہوں، مرید پور کا پیر، انجام بخیر، سنیماکا عشق، میبل اور میں، مرحوم کی یاد میں، لاہور کی جغرافیہ ہیں۔

مضامینِ رشید میں مکمل بیس مضامین شامل ہیں:

1۔ سرگزشت عہد گل، 2۔ حاجی صاحب، 3۔مولانا سہیل، 4۔ دھوبی، 5۔ وکیل صاحب، 6۔ اپنی یاد میں، 7۔چارپائی، 8۔ پاسبان، 9۔ارہر کا کھیت، 10۔گواہ، 11۔شیطان کی آنت، 12۔ماتا بدل، 14۔کاروں پیداست، 14۔ گھاگر، 15۔آمد میں آورد، 16۔مغالطہ، 17۔مرشد، 18۔مثلث، 19۔کچھ کا کچھ، 20۔ سلام ہو نجد پر

نظارے، زندگی کے موڑ پر ، ٹوٹے ہوئے تارے: کرشن چندر
ان داتا(کرشن چندر)، تین غنڈے(کرشن چندر)، عشق پرزور نہیں(آشارانی، ڈاکٹر سید محمد علی زیدی)
سمندر دور ہے (کرشن چندر)، حسن اور حیوان(افسانہ :کرشن چندر)، میں انتظار کروں گا (کرشن چندر)
کتاب کا کفن، زندگی کے موڑ پر، نظارے: کرشن چندر

حسنِ تعلیل: تعلیل کے معنیٰ ہیں "وجہ متعین کرنا" یا "وجہ بیان کرنا"۔ حسنِ تعلیل اس عمل کی خوبی اور ندرت کی مثال ہے۔ اگر کسی چیز کے لیے کوئی ایسی وجہ بیان کی جائے جو چاہے واقعی نہ ہو مگر اس میں کوئی شاعرانہ جدّت و نزاکت ہو اور بات واقعہ اور فطرت سے مناسبت بھی رکھتی ہو تواسے حسنِ تعلیل کہتے ہیں۔

دریا جو شہ کی فوج کے پیاس ہونے کی حالت میں ان سے دور تھا اسی وجہ سے وہ دستِ موج سے منہ پر طمانچے مارتا تھا( دریا کے موج کے کنارے پر ہونا کی علت یعنی وجہ پیاسا ہونا نہیں ہے پھر بھی علت بنا کر پیش کیے ہیں اس لیے اس میں حسن تعلیل ہے۔)

استتباع: ممدوح کی تعریف ایسے الفاظ میں کی جائے کہ ایک تعریف سے دوسری تعریف بھی از خود پیدا ہو، اس کو مدح الموجہہ بھی کہتے ہیں۔

ادماج: شعر میں ایسے الفاظ اور ایسی تراکیب کا استعمال کرنا جن سے مجموعی طور پر دو معنی یا دو مفہوم پیدا ہوتے ہوں مگر کوئی خاص معنیٰ یا مفہوم حتمی طور پر واضح نہ ہوتا ہو۔

جب مختلف چیزیں ایک ہی حکم میں جمع ہو جائیں اور پھر ان سب کو ایک خصوصیت کے ساتھ منسوب کریں تو صنعت جمع کہلاتا ہے مثلاً

رنج،راحت،غم،خوشی کچھ بھی نہیں

جز فریب آگاہی کچھ بھی

ہیں اس ہوا میں کیا کیا برسات کی بہاریں
سبزوں کی لہلہاہٹ باغات کی بہاریں
بوندوں کی جھمجھماوٹ قطرات کی بہاریں
ہر بات کے تماشے ہر گھات کی بہاریں
کیا کیا مچی ہیںیارو برسات کی بہاریں

مثنوی "سحرالبیان" کا ایک عنوان یہ ہے۔"داستان نجم النسا کے جوگن ہونے میں" اور دوسرا عنوان ہے:"داستان فیروز شاہ جنوں کے بادشاہ کے بیٹے کے عاشق ہونے میں جوگن پر"

حشو: حشوکے لفظی معنی ہیں "ٹھونسنا" شعر میں ایسے الفاظ کاآ جانا جو غیر ضروری ہوں، حشو کہلاتا ہے۔ یہ خوبی بھی ہےاور عیب بھی۔

حشو قبیح: ایسے زائد الفاظ جن سے شعر میں کسی قسم کی عمدگی اور خوبصورتی بھی پیدا نہ ہو بلکہ کلام کا مرتبہ گھٹ جائے۔ ؎

روئے آنسو اس قدر ہم ہجر میں

اشک کے طوفان سے دریا ہوگیا

پہلے مصرعے میں آنسو اور رونا کہہ چکے ہیں، اگلے مصرعے میں "اشک" حشو قبیح ہے۔

جھوری کاچھی کے پاس دو بیل تھے۔ ایک کا نام ہیرا تھا دوسرے کا موتی۔دونوں پچھائیں نسل کے تھے۔ دیکھنے میں خوبصورت کام میں چوکس ڈیل ڈول میں اونچے۔ بہت دنوں سے ایک ساتھ رہتے رہتے دونوں میں محبت سی ہوگئی۔ دونوں آمنے سامنے یا ایک دوسرے کے پاس بیٹھے زبانِ خاموش میں ایک دوسرے سے بات چیت کرتے تھے وہ ایک دوسرے کے دل کی بات کیوں کر سمجھ جاتے تھے۔ یہ ہم نہیں کہہ سکتے۔

یہ عبارت آل احمد سرور کی کتاب "نظر اور نظریے"کے پیش لفظ بعنوان"چند سطریں"سے ماخوذ ہے۔

یہ 19 اگست 1989 میں لکھی ہوئی اخترالایمان کی نظم ہے جو ان کے مجموعہ "زمین زمین" میں شامل ہے۔

بھٹ نایک نے "سادھارنی کرن" کا نظریہ دیا ہے۔ سادھارنی کرن یعنی عام ترسیل یا عام معیار اور انگریزی میں Generalization ہے۔

آچاریہ بھرت منی نے اپنی کتاب "ناٹیہ شاستر" میں رس کا نظریہ پیش کیا ہے۔

دھونی کا نظریہ آنندوردھن نے اپنی مشہور تصنیف "دھونیا لوک" میں دی ہے۔

ابھیویکتی واد کا نظریہ ابھینوگپت نے دیا ہے۔

درصفتِ عشق گوید، درشرح شعر گوید، صفت میزبانی، صفت شباب شہزادہ، صفت مجلس طرف

یہ عناوین مثنوی قطب مشطری میں موجود ہیں۔

الحاقیانہ:

اردو میں دو طرح کے تعلیقے ملتے ہیں یعنی سابقہ اور لاحقہ۔

اردو ساخت کے بنیادی عناصر: نصیر احمد خاں، ص:160

ایک روپ سے دوسرے روپ بنانے کے لیے یا تو کچھ روپوں کا اضافہ کیا جاتا ہے یا تخفیف یا ترمیم وغیرہ۔ اس عمل کو قواعدی عمل کہتےہیں۔ ان کی حسب ذیل قسمیں ہیں۔

1۔ اضافہ۔ اس کی دو قسمیں چسپیے Affixاور تکرّر Reduplication ہیں۔ چسپیوں کی حسب ذیل قسمیں ہیں:

الف۔ سابقے Prefix

ب۔ لاحقےSuffix

ج۔وسطیے Ineix

عام لسانیات: گیان چند جین؛ ص۔ 211

مردہ بہ دَستِ زندہ۔ لیکن یہ تو کہو مجھ پر یہ کیا حقیقت بیتی؟ مجھے کیوں مارا اور تم کون ہو؟ بھلا اتنا تو کہہ سناؤ! تب انھوں نے رَحم کھا کر کہا کہ وہ جوان جو قفس میں بند ہے، اِس بادشاہ کا بھتیجا ہے اور پہلے اِس کا باپ تخت نشیں تھا۔ رحلت کے وقت یہ وصیت اپنے بھائی کو کی کہ ابھی میرا بیٹا، جووارث اس سلطنت کا ہے، لڑکا اور بے شعورہے؛ کاروبار بادشاہت کا خیرخواہی اور ہوشیاری سے تم کیا کیجو۔

سجاد ظہیر: نیند نہیں آتی، جنت کی بشارت، گرمیوں کی ایک رات، دُلاری، پھر یہ ہنگامہ
احمد علی: بادل نہیں آتے، مہاوٹوں کی ایک رات
رشید جہاں: دلی کی سیر، پردے کے پیچھے،
محمود الظفر: جواں مردی

پنڈت اجودھیاناتھ (باپ)، پھول متی (ماں)، کامتا ناتھ (بڑا بیٹا)، اُما ناتھ (دوسرا)، دیا ناتھ (تیسرا)، سیتا ناتھ (چوتھا اور سب سے چھوٹا)، کمد/کملا(بیٹی)، پنڈت دین دیال، مراری لال، مہری اور کہارن(ملازم)

اے انفس و آفاق میں پیدا تری آیات
حق یہ ہے کہ ہے زندہ و پایندہ تری ذات
میں کیسے سمجھتا کہ تو ہے یا کہ نہیں ہے
ہر دم متغیر تھے خرد کے نظریات
محرم نہیں فطرت کے سرود ازلی سے
بینائے کواکب ہو کہ دانائے نباتات
آج آنکھ نے دیکھا تو وہ عالم ہوا ثابت
میں جس کو سمجھتا تھا کلیسا کے خرافات
ہم بند شب و روز میں جکڑے ہوئے بندے
تو خالق اعصار و نگارندۂ آنات
اک بات اگر مجھ کو اجازت ہو تو پوچھوں
حل کر نہ سکے جس کو حکیموں کے مقالات
جب تک میں جیا خیمۂ افلاک کے نیچے
کانٹے کی طرح دل میں کھٹکتی رہییہ بات
گفتار کے اسلوب پہ قابو نہیں رہتا
جب روح کے اندر متلاطم ہوں خیالات
وہ کون سا آدم ہے کہ تو جس کا ہے معبود
وہ آدم خاکی کہ جو ہے زیر سماوات
مشرق کے خداوند سفیدان فرنگی
مغرب کے خداوند درخشندہ فلزات
یورپ میں بہت روشنئ علم و ہنر ہے
حق یہ ہے کہ بے چشمۂ حیواں ہے یہ ظلمات
رعنائی تعمیر میں رونق میں صفا میں
گرجوں سے کہیں بڑھ کے ہیں بنکوں کی عمارات
ظاہر میں تجارت ہے حقیقت میں جوا ہے
سود ایک کا لاکھوں کے لیے مرگ مفاجات
یہ علم یہ حکمت یہ تدبر یہ حکومت
پیتے ہیں لہو دیتے ہیں تعلیم مساوات
بے کاری و عریانی و مے خواری و افلاس
کیا کم ہیں فرنگی مدنیت کی فتوحات
وہ قوم کہ فیضان سماوی سے ہو محروم
حد اس کے کمالات کی ہے برق و بخارات
ہے دل کے لیے موت مشینوں کی حکومت
احساس مروت کو کچل دیتے ہیں آلات
آثار تو کچھ کچھ نظر آتے ہیں کہ آخر
تدبیر کو تقدیر کے شاطر نے کیا مات
مے خانہ نے کی بنیاد میں آیا ہے تزلزل
بیٹھے ہیں اسی فکر میں پیران خرابات
چہروں پہ جو سرخی نظر آتی ہے سر شام
یا غازہ ہے یا ساغر و مینا کی کرامات
تو قادر و عادل ہے مگر تیرے جہاں میں
ہیں تلخ بہت بندۂ مزدور کے اوقات
کب ڈوبے گا سرمایہ پرستی کا سفینہ
دنیا ہے تری منتظر روز مکافات

دفتر ماتم، بیس جلدیں، چودہ جلدیں مرثیوں پر مشتمل مراثی کی تعداد 366 اور اکبر حیدری کے مطابق 360 (تکرار ) کی وجہ سے۔مرزا زماں آزردہ کا کہنا ہے کہ دفتر ماتم کے چار مراثی میر ضمیر کے "مجموعہ مرثیہ میر ضمیر "شامل ہیں۔ جلد پندرہ دو مذہبی مثنویوں پر مشتمل ہے۔ "احسن القصص"(چہاردہ معصومین کے حالاتِ ولادت و فضائل) اور معراج نامہ ، سولہ ، سترہ ، اٹھارہ میں (ردیف وار 332سلام کو جمع کیا گیا )، انیسویں جلد میں مخمس سلام اور بیسویں جلد میں ردیف وار رباعیاں، نوحے اور واقعات، تضمینات، مناجات و قطعات وغیرہ

احتشام حسین(اردو ادب کی تنقیدی تاریخ۔ احتشام حسین؛ص۔ 118)

اردوئے معلیٰ میں یہ خط درج ہے:

میر امن (تیسرے درویش، ملکہ مہرنگار، شہزادہ کامگار، بہزاد خاں)

مشہور پانچ اپ بھرنش ہیں:
مہاراشٹری
شورسینی
ماگدھی
ارد ماگدھی
پشاچی

گوہر مرزا کے اس مکتب میں آنے کا سبب بھی بوا حسینی تھی۔ نواب سلطان علی خان ایک بڑے عالی خاندان رئیس تھے۔ توپ دروازے میں رہتے تھے۔ ان سے اور بنو ڈومنی سے رسم تھا۔ انہی سے ہی لڑکا پیدا ہوا۔ اگرچ بنو سےاور نواب صاحب سے اب ترکِ ملاقات ہوئے مدت گزر گئی تھی، مگر دس روپے ماہ بہ ماہ لڑکے کی پرورش کے لیے دیے جاتے تھے اور بیگم صاحبہ سے چوری چھپے کبھی کبھی بلا کے دیکھ بھی لیا کرتے تھے۔ بنو قاضی کے باغ کی رہنے والی تھیں، وہیں بوا حسینی کے بھائی کا گھر تھا۔