UGC NET & JRF Urdu Dec 2018

عصمت چغتائی کا ناول "ٹیڑھی لکیر" کے پہلے حصہ میں درج ہے:

اور یہ پیٹ کی کھرچن کالی پیلی دھنیا سی ناک ، چیاں سی آنکھیں، پر چیل سے زیادہ تیز بڑی آپا اور منجھو دونوں نے کئی دفعہ اس کے چوہے کے بچّے جیسے منہ کو مسکراتے ہوئے دیکھاگویا وہ انھیں چھیڑنے کو مسکرا رہی ہے وہ خوب سمجھتی تھی کہ یہ اس کی زر خرید لونڈیوں کی طرح خدمت کریں گی۔

یہ شعر منثوی گلزارِ نسیم کا ہے، اس شعر کا معنی"اے میرے رب میرے قلم کو زبان دے،اور بلبل کی چونچ دے یعنی بہترین آواز دے،  ہزار داستاں کے معنی بلبل اور مِنقار کے معنی چونچ کے ہیں تو یہاں مراد "بلبلِ خوش نوا" کے ہے، یہاں پر کتابوں کا نام ساتھ میں دے کر شک میں ڈالا گیا ہے، ویسے بلبلِ خوش نوا ایک ازبیک کہانی بھی ہے۔

حسرت موہانی تین بار جیل گئے،پہلی بار 23جون 1908ء میں بغاوت کے جرم میں، دوسال کی گرفتاری اور پانچ سو روپے جرمانہ ہوا۔دوسری بار، 13 اپریل 1916ء کو جیل گئے،تیسری 14 اپریل 1921 میں جیل گئے۔جب کہ پرنس آف ویلز کی آمد پر احتجاجی مظاہرہ کرنے پر6 دسمبر 1920ءکو فراق گورکھ پوری کو گرفتار کیا گیا۔ موتی لعل اور جواہرلعل نہرو کے ہمراہ آگرہ اور لکھنؤ کی جیلوں میں ایام اسیری گزارے۔ ڈیڑھ برس کی قیدِ محض اور پانچ سو روپے جرمانہ کی سزا ہوئی۔ لیکن مقررہ ڈیڑھ سال کی معیاد پوری ہونےمیں تقریباًچھ مہینے باقی تھے، ہندوستان کی مختلف جیلوں سے قیدیوں کو رِہا کیا گیا توفراق بھی   1922 ء میں جیل سے رہا ہوئے۔

اس لیے حسرت موہانی پہلے شاعر ہوئے جن کو قید کیا گیا۔

عشق پر زور نہیں : یہ عصمت چغتائی کا افسانہ ہے جو ان کے افسانوی مجموعہ "دوہاتھ" میں شامل ہے، اور ڈاکٹر سیّد محمد علی زیدی کا مزاحیہ ریڈیائی ڈرامے ہیں۔

کنہیالال کپور کی تصانیف: سنگ و خشت:1942؛ شیشہ و تیسہ: 1944؛ چنگ و رباب: 1945؛ نوکِ نشتر:1948؛ بال و پر: 1952؛ نرم گرم: 1957؛ گرد کاروان: 1960؛ گستاخیاں:1967، دلیل سحر بھی کنہیا لال کی تصنیف ہے۔

ڈاکٹر حنیف کیفی کی کتاب "اردو میں نظمِ معرا اور آزاد نظم (ابتدا سے 1947ء تک) میں ص: 237 پردرج ہے:

"سب سے بڑی بات یہ کہ اردو شاعری کے سامنے معری شاعری کا نمونہ نہیں تھا۔ ۔۔۔۔ جن زبانوں یعنی عربی و فارسی کی شاعری کی اردو نے پیروی کی، خود ان میں معرا شاعری کی کوئی روایت نہیں تھی، تو اردو میں اس کا رواج کہاں سے ہوتا؟ جب حالات بدلے، نئے تقاضوں نے سر ابھارا، اور ساتھ ہی ساتھ انگریزی شعر و ادب کے اثرات کا نفوذ ہوا تو اردو شاعری میں بھی مواد اور ہئیت دونوں سطوں پر تبدیلیاں رونما ہوئیں۔ انھیں تبدیلیوں میں سے ایک نظم معرا کی ہئیت کا اختیار و استعمال بھی ہے، جو خالصتاًانگریزی ادب کے اثرات کا نتیجہ ہے۔

کتابی دنیا دہلی سے شائع "کلیاتِ نظیرؔ" میں عنوان "مسدسات عاشقانہ نظیرؔ" کے تحت نظم "فراق" میں یہ بند شامل ہے۔

اس کتاب کے لکھنے کا زمانہ گذری ہوئی صدی کا آخری حصہ ہے منشی نول کشور کے اودھ اخبار میں سرشارؔ نے ایک سلسلہ شروع کیا، لوگوں نے اسے پسند کیااور وہ چل نکلا۔ نہ کوئی پلاٹ معین کرکے سرشار نے لکھنا شروع کیا تھا اور نہ بعد میں کوئی مربوط اور مرتب پلاٹ پیدا ہوسکا۔خیال ہوتا ہے کہ اگر کوئی باقاعدہ پلات ہوتا، کوئی بنیادی خیال ہوتا تو خوجیؔ وہ نہ ہوتا جو آج ہمیں ملا ہے۔وہ اسی بے ترتیبی اور عدم تسلسل کا نتیجہ ہے جو ہمیں سنجیدہ ہو کر فسانہ آزادکو اعلیٰ ناول نگاری کے اصولوں پر غور کرنے سے باز رکھتے ہیں۔

اعتبار نظر: سید احتشام حسین ص 181-182

خیال ہوتا ہے کہ اگر کوئی باقاعدہ پلات ہوتا، کوئی بنیادی خیال ہوتا تو خوجیؔ وہ نہ ہوتا جو آج ہمیں ملا ہے۔وہ اسی بے ترتیبی اور عدم تسلسل کا نتیجہ ہے جو ہمیں سنجیدہ ہو کر فسانہ آزادکو اعلیٰ ناول نگاری کے اصولوں پر غور کرنے سے باز رکھتے ہیں۔

اعتبار نظر: سید احتشام حسین ص 181-182

نورالحسن نقوی "فنِ تنقید اور اردو تنقید نگاری" میں "اسلوبیاتی تنقید" کے تحت ددوسرے پیراگراف میں لکھتے ہیں:

"اسلوبیات کی بنیاد اس تصور پر ہے ۔۔۔۔۔۔۔۔۔۔۔۔۔ اسلوبیات کا کام یہ پتہ لگانا ہے کہ ادبی اظہار کے جتنے لسانی امکانات یعنی طریقے موجود تھے ان میں سے ایک کا انتخاب کس طرح کہا گیا، نیز یہ کہ اس ادبی اظہار کی لسانی خصوصیات کیا ہیں۔ اس عمل میں زبان کی مندرجہ ذیل چار سطحوں میں سے کسی ایک یا ایک سے زیادہ یا سب کو پیشِ نظر رکھا جا سکتا ہے۔

1۔ صوتیات

2۔ لفظیات/ صرفیات

3۔ نحویات

4۔ معنیات

"علم الکلام": الغزالی کے دیباچہ میں شبلی نے لکھا ہے کہ وہ آج کل علم کلام کی مفصل تاریخ لکھ رہے ہیں جس کے چار حصے ہوں گے۔ پہلے حصے میں علم کلام کی ابتدا اور عہد بہ عہد وسعت و ترقی کی تفصیل تاریخ ہوگی۔ دوسرے حصے میں اس بات پر بحث ہوگی کہ علم کلام نے اثبات عقائد اور ابطالِ فلسفہ کے متعلق کیا کیا اور کس حد تک کامیابی حاصل کی۔ تیسرے حصے میں ائمہ علم کلام کی سوانح ہوں گی اور چوتھے حصے میں جدید علم کلام پیش کیا جائے گا۔ شبلی نے لکھا ہے کہ پہلا حسہ بقدر معتد بہ لکھا جا چکا تھا کہ بوجوہِ چند رُک گیا اور تیسرا حصہ شروع ہوگیا۔ اس حصے میں امام غزالی کی سوانح عمری شروع ہوئی تو بڑھتے بڑھتے ایک مستقل کتاب بن گئی"۔ اسی لیے اس کو الگ کتاب کی صورت دے کر شائع کردیا۔ "الغزالی" کے بعد "علم الکلام" کی باری آئی۔ سرسید خود علم کلام کے آدمی تھے اور انھوں نے نیا علم کلام تشکیل دیا تھا۔ علم الکلام 1902ء میں مکمل ہوئی اور مفید عام پریس آگرہ سے چھپ کر 1903ء میں شائع ہوئی۔

تاریخ ادب اردو جلد چہارم  ص:1075

ان کرداروں کو ناول "گئودان" کی عبارت کے پیشِ نظر دیکھتے ہیں:

مرزا خورشید مزدور سبھا کے پریسیڈنٹ اور پنڈت اونکار ناتھ اڈیٹر "بجلی" اس کے سکریٹری تھے۔ دونوں ایسی ہڑتال کرانے پر تلے ہوئے تھےکہ مل کے مالکوں کو کچھ دن یا درہے۔

اسی وقت ایک موٹرصدر دروازے کے سامنے آکر رکا اور اس می سے تین اصحاب اترے، وہ جو کھدّر کا کرتا اور چپّل پہنے ہوئے تھے، ان کا نام پندت اونکار ناتھ ہے، آپ بجلی نامی روز نامے کے مشہور و معروف اڈیٹر ہیں، جنھیں دیش کی چنتا نے گھُلا ڈالاہے۔ دوسرے صاحب جو کوٹ پتلون میں ہیں۔ وہ ہیں تو وکیل مگر وکالت نہ چلنے کے سبب ایک بیمہ کمپنی کی دلالی کرتے ہیں۔ اور تعلقہ داروں کو مہاجنوں اور بینکوں سے قرض دلانے میں وکالت سے کہیں زیادہ کمائی کرلیتے ہیں۔ ان کا نام ہے شیام بہاری ٹنخا اور تیسرے صاحب، جو ریشمی اچکن اور چُست پایجامہ پہنےہوئے ہیں، مسٹر بی مہتا یونی ورسٹی میں فلسفے کے پروفیسر ہیں۔ یہ تینوں صاحب رائے صاحب کے ہم سبقوں میں ہیں اور شگون کے جلسے میں مدعو ہوتے ہیں۔

دوسرا موٹر آپہنچا اور مسٹر کھنّا اترے جو ایک بینک کے منیچر ار شکر مل کے مینجنگ ڈائرکٹر ہیں ۔ دو عورتیں بھی ان کے ساتھ تھیں ۔ رائے صاحب نے ان دونوں کو اُتارا۔ وہ جو کھدّر کی ساری پہنے ہوئے بہت متین اور دور اندیش سی ہیں، مسٹر کھنّا کی بیوں کامُنّا کھنّا ہیں۔ دوسری جو اونچی ایڑی کا بوٹ پہنے ہوئے ہیں اور جن کے حسین چہرے سے ہنسی پھوٹی پڑتی ہے، مس مالتی ہیں جو انگلستان سے ڈاکٹری پڑھ کر آئی ہیں۔

لفظیات بمعنی صرفیات کے ہیں جس میں لفظ بنائے جاتے ہیں۔

گیان چند جین اپنی کتاب "عام لسانیات" میں لکھتے ہیں:

"اضافہ کی قسمیں چسپیےاور تکرّر ہیں ۔ چسپیوں کی حسب ذیل قسمیں ہیں۔

الف: سابقے

ب۔ لاحقے

ج۔ وسطیے: یہ مادّے یا اصل کے بیچ میں شامل کیے جاتے ہیں مثلاً ق ت ل سے قاتل یا قتیل۔ یہ سامی زبانوں میں عام ہیں ہند یورپی میں ان کا رواج نہیں

د۔ فوقیے

اس مجموعہ میں مکمل بیس مضامین شامل ہیں:

1۔ سرگزشت عہد گل، 2۔ حاجی صاحب، 3۔مولانا سہیل، 4۔ دھوبی، 5۔ وکیل صاحب، 6۔ اپنی یاد میں، 7۔چارپائی، 8۔ پاسبان، 9۔ارہر کا کھیت، 10۔گواہ، 11۔شیطان کی آنت، 12۔ماتا بدل، 14۔کاروں پیداست، 14۔ گھاگر، 15۔آمد میں آورد، 16۔مغالطہ، 17۔مرشد، 18۔مثلث، 19۔کچھ کا کچھ، 20۔ سلام ہو نجد پر

حیاتِ جاوید دوسرے حصے میں "تصنیف وتالیف "کے عنوان کے تحت لکھتے ہیں:

"اگرچہ سرسید کی طبیعت ایسی ہمہ گیر واقع ہوئی تھی کہ جو کام اُں کو پیش تھا اس میں وہ ایسی دلچسپی ظاہر کرتے تھے کہ گویا وہی ان کا خاص کام اور ضروری فرض تھا۔۔۔۔۔۔۔۔۔۔مگر خود ان کا یہ بیان تھا کہ جیسا تصنیف و تالیف میں میرا جی لگتا ہے ویسا اور کسی کام میں نہیں لگتا اور فی الواقع، جیسا کہ دیکھا گیا ہے، رنج میں، خوشی میں، صحت میں ، بیماری میں، خلوت میں اور جلوت میں اس مشغلہ سے ان کی جی نہیں اکتاتا تھا۔