فراق گورکھپوری اور مجروح سلطان پوری سے متعلق کوئز

یہ پہلی بار ادارہ انیس اردو الہ آباد سے 1959ء میں شائع ہوا، جس میں “ابتدائیہ “کے عنوان سے مفتی فخرالاسلام ، “فراق گورکھپوری”کے عنوان سے اسلوب احمد انصاری، اور “کلامِ فراقؔ کی کچھ جھلکیاں ” از پروفیسر محمد حسن عسکری شامل ہے۔ اس میں 71 غزلیں، 17 نظمیں اور رباعیات کے عنوان کے تحت بھارت درپن (رباعیات)، الہام نما (رباعیات) اور نشتر سخن کے عنوان سے متفرق اشعار درج ہیں۔اس کی دوسری طبع، 1967ء ، سوم 1971، چہارم، 1977 اور پنجم 1997میں آئے۔ 2006ء میں ادارہ علم و ادب دہلی سے ردیف وار شائع ہوئی ہے۔

پرستان کسی کا بھی نہیں ہے، آتشِ گل جگر مرادآبادی کا ہے اور نشاطِ روح اصغر گونڈوی کا مجموعہ کلام ہے۔

1923ء سے لے کر مئی 1927ء تک آل انڈیا کانگریس کمیٹی کے انڈر سکریٹری کے عہدہ پر تعین رہے۔انھیں ڈھائی سو روپے بطور تنخواہ دیئے جاتے تھے۔ فراق چار برس تک یعنی 1923ء سے 1927تک اس حیثیت سے کام کیا۔

فراق گورکھپوری کے مجموعہ کلام کا نام روحِ کائنات ہے اور روحِ ادب جوش ملیح آبادی کا مجموعہ کلام ہے۔

اصغر: یکم مارچ  1884ء گورکھ پورمحلہ الہی باغ( ان کے مکان کو محلہ الٰہی باغ کے باشندے “چاند سورج کا مکان” کہتے ہیں)

جگر: 1890ء مرادآباد

فراق: بروز جمعہ  28 اگست 1896ء ، لکشمی بھَوَن (کوٹھی)گورکھپور

مجروح سلطانپوری: اکتوبر1919ء

انجمن ترقی اردو (ہند) علی گڑھ نے بذریعہ ٹائپ مجروحؔ کے کلام کا پہلا مجموعہ 1953ء میں “غزل” کے نام سے شائع کیا تھا۔ یہ 64 صفحات پر مشتمل کتاب  کی ابتدائی دس صفحات میں مجروحؔ سے متعلق سردار جعفری کا تعارفی مضمون اور چار صفحات پر مشتمل قاضی عبدالغفار کا پیش لفظ ہے۔ اس میں صرف 28 غزلیں اور 18 متفرق اشعار ہیں۔ اس میں 1942ء سے 1952ء تک دس سال کی غزلیں ہیں۔ 1956ء میں غزلوں کے ساتھ دوسرا ایڈیشن شائع ہوا۔اس کا انتساب “راجیندر سنگھ بیدی کے نام

“کہا جو کچھ تو تراحسن ہوگیا محدود” (اصغر)

بعد کی ایڈیشن میں انتساب:

فردوس کے نام

مرے جنوں کی مہک تیرے پیرہن میں رہے

1987ء میں پاکستان میں غزل کا پہلا ایڈیشن شائع ہوا۔ جس میں محمد علی صدیقی کا مضمون “مجروح سلطانپور ی ترقی پسند غزل کے نقیب” مجموعہ میں شامل کیا گیا۔