Kulliyat-e-Shaad : Ek Taruf

کلیم الدین احمد لکھتے ہی کہ اردو غزل کی کائنات کی تثلیث میرؔ، غالبؔ اور شادؔہیں، میر اپنی زندگی میں امام المتغزلین شمار کیے جاتے تھے۔ اقلیم غزل پر ان کی حکومت تھی لیکن آج ان کی عظمت کا زبانی اعتراف ہو تو ہو، ان کی طرف کوئی ملتفت نہیں ہوتا، کسی جگہ لکھا تھا کہ غالب ؔکی زندگی میں ان کی وہ قدر نہ ہوئی جس کے وہ مستحق تھے اور ان کے مرنے کے بعد ان کی اس قدرشہرت ہوئی جس کے وہ مستحق نہ تھے، لیکن شادؔ کا معاملہ جداگانہ ہے ان کی زندگی میں بھی ان کی قدر نہ ہوئی اور نہ بعد میں۔

شاد ؔایک مجتہد شاعر تھے ، غالب کی طرح وہ بھی تنگنائے غزل میں وسعت کے خواہاں تھے، نظیرؔ کے بعد شاید جتنی مسلسل غزلیں یا قطعہ بند غزلیں شادؔ نے کہی اور کسی شاعر نے نہیں کہیں۔محمدحسین آزادؔ کی طرح شاد کا بھی خیال تھا کہ اردو شاعری فارسی شاعری کے ہمہ گیر اثر سے کچھ مصنوعی اور ان نیچرلہوگئی ۔دوسرے شاعروں کی طرح شادؔ بھی مجاز کے رستے سے حقیقت تک پہونچے ۔ ان کی شاعری ‘حسن و عشق’ کی قید سے آزاد ہیں ہے۔ وہ اس بات کے قائل تھے کہ جب تک دل عشق آشنا نہ ہو، شاعری ممکن نہیں:؎

 شاعر کے دل میں عشق کا جب تک نہ ہو گزر :: ہے  مثل سرو نخلِ ریاض اس کا بے ثمر